Consensa, fyrir hönd Grindavíkurbæjar, óskar eftir upplýsingum og sjónarmiðum áhugasamra markaðsaðila vegna undirbúnings þjónustusérleyfis um uppbyggingu og rekstur sýningar- og ferðaþjónustu í Hópinu, Austurvegi 3C í Grindavík. Hópið er fyrrum knatthús í eigu Grindavíkurbæjar sem varð fyrir skemmdum í náttúruhamförunum í Grindavík. Til skoðunar er að nýta húsið og sýnileg ummerki hamfaranna til sýningar og tengdrar ferðaþjónustu. Hugmyndir um nýtingu Hópsins tengjast jafnframt áformum bæjaryfirvalda um Végarð og frekari uppbyggingu í Grindavík.